بحوّل مشروعك من شغل يومي متعب لنظام بيبيع وبيكبر.
استراتيجية واضحة، وأنظمة مبيعات وتسويق بالذكاء الاصطناعي، وتدريب عملي من الميدان. من خبرة 850+ ساعة تدريب، وتأسيس شركات ناشئة، وشغل مع أكثر من 200 مشروع بفلسطين والخليج وتركيا.
رامي زيدان
درّبت واشتغلت مع جامعات ومؤسسات وجهات مانحة، منها:
📍 إسطنبول · فلسطين · الخليجبلشت ريادي وأنا طالب فصل أول، وما وقفت من وقتها.
أنا رامي زيدان، مستشار تطوير أعمال وريادة، ومدرّب معتمد دولياً. خلفيتي تقنية (بكالوريوس شبكات الحاسوب والإنترنت من جامعة بوليتكنك فلسطين)، وطريقي بلّش من مسابقة Hult Prize العالمية وأنا بالجامعة، ومن هناك دخلت عالم الشركات الناشئة.
أسست وشاركت بتأسيس أكثر من شركة: بازارك، ومساحة فلك للعمل المشترك، وClick & Share، وAimOcean، وWDE360. واشتغلت بقيادة التسويق وتطوير الأعمال لشركات بفلسطين والإمارات وأمريكا وتركيا.
درّبت أكثر من 800 شخص بأكثر من 850 ساعة، مع أكبر الجامعات الفلسطينية والجهات المانحة، وكنت محكّم بلجان تقييم المشاريع مع مؤسسات مانحة أكثر من مرة. اليوم مقيم بإسطنبول، وبشتغل مع مشاريع وشركات بكل العالم العربي.
اللي بيميّزني: بعطي كل اللي بعرفه بدون ما أخبّي، شغلي عملي مش نظري، ودايماً بجيب أدوات وأفكار من أسواق ثانية لسا مش موجودة بالسوق المحلي.
من طالب فصل أول… للفريق الإقليمي لأكبر مسابقة ريادة طلابية بالعالم.
Hult Prize مسابقة عالمية لريادة الأعمال الاجتماعية بيشارك فيها طلاب جامعات من كل العالم. هاي كانت مدرستي الأولى بالشركات الناشئة.
قائد الفريق وأنا أصغرهم
بفصلي الأول بالجامعة قدت فريق كله أكبر مني، وفزنا على مستوى الجامعة وتأهلنا للمرحلة الإقليمية بتونس.
فوز ثاني وتأهل لطوكيو
رجعنا فزنا مرة ثانية على مستوى الجامعة، وتأهلنا هالمرة لليابان.
من مشارك لمنظّم
صرت مدير المسابقة والمسؤول عنها بجامعة بوليتكنك فلسطين: الفرق، والتدريب، والتحكيم، وتنظيم المسابقة.
ضمن فريق المسابقة الإقليمي
انضميت للفريق الإقليمي التابع للمسابقة العالمية، وصرت جزء من تنظيمها على مستوى أكبر من جامعة وحدة.
شركات أسستها وبنيتها من الصفر.
عندي خبرة عملية بتأسيس الشركات الناشئة وتطويرها: من الفكرة والتمويل والحاضنات، للفريق والعمليات والتوسع لأكثر من سوق.
AimOcean · شريك مؤسس
شركة تسويق وتطوير أعمال وتقنية، شغالة لحد اليوم ومنتشرة بفلسطين والإمارات والأردن وتركيا ومصر، ولها فرع بإسطنبول. تحت مظلتها صار في عدة منتجات وشركات مصغّرة، وفريقها هو اللي بينفذ خدمات الإنتاج لعملائي.
- استراتيجيات تسويق ونمو للشركات
- أنظمة مبيعات وأتمتة ووكلاء AI
- إنتاج محتوى وتصوير ومونتاج وإدارة حسابات
- منتجات وشركات مصغّرة تحت مظلة الشركة
Bazzarc · بازارك
منصة شبيهة بـEtsy ومنافسة الها، بس كل منتجاتها عربية: حرف ومنتجات صناع عرب، بلّشت من فلسطين وموجّهة لكل العالم.
- حصلت على تمويل
- سنتين تدريب وإرشاد وإشراف ضمن برامج Flow Accelerator
Click & Share
منصة SaaS عربية لإدارة السوشال ميديا بالذكاء الاصطناعي: محتوى وجدولة وصندوق رسائل موحد وإعلانات وتقارير، مع وكيل AI بيرد بالعربي وبيفهم اللهجات.
- حصلت على تمويل من Orange Corners
- موجّهة للمشاريع والوكالات بالإمارات والأردن وفلسطين
مساحة فلك للعمل المشترك · الخليل
مساحة عمل مشترك ومجتمع ريادي بالخليل، بتدعم التعاون والفعاليات ونشاط الشركات الناشئة، وقدت فيها تطوير الأعمال ونمو المجتمع.
WDE360
شركة شريكة بأنشطة وحضور بأكثر من سوق عربي، بتقدّم استراتيجيات نمو وتطوير للشركات والعلامات التجارية.
من أول مكالمة… لنظام شغال بيجيب نتيجة.
ما ببيع ساعات. ببيع وضوح ونتيجة: تعرف وين مشكلتك، وشو الخطة، ومين بنفذ، وكيف بنقيس.
مكالمة تعارف
بنفهم مشروعك ووين واقف، وبحكيلك بصراحة إذا بقدر أساعدك وشو الخطوة الصح إلك.
احجز موعدك ←جلسة تشخيص المشروع
تشخيص كامل للسوق والعرض والتسعير والمبيعات والأنظمة، وبتطلع بخطة عمل مكتوبة لـ90 يوم. المبلغ بينخصم إذا كمّلنا مع بعض.
احجز جلسة التشخيص ←بناء نظام مبيعات وتسويق بالـAI
CRM ومسارات بيع، رد آلي على واتساب وانستجرام، حجوزات وتذكيرات، فنلز وصفحات هبوط، وتقارير. كله بمكان واحد وبالعربي.
خلينا نحكي ←إشراف واستراتيجية شهرية
بكون معك كمستشار نمو: خطة شهرية، متابعة أسبوعية للأرقام، وقرارات تسويق ومبيعات وتوسّع مبنية على النتيجة.
اسأل عن الإشراف ←تدريب وبرامج ريادة
برامج تدريبية عملية بريادة الأعمال والتسويق الرقمي والـAI والمبيعات، حضوري أو أونلاين، مع مواد وملفات بتضل مع المتدربين.
تفاصيل التدريب ←تنفيذ وإنتاج
تصوير ومونتاج ومحتوى وإدارة حسابات وحملات، بينفذها فريق AimOcean تحت إشرافي عشان تضل الخطة والتنفيذ بنفس الاتجاه.
اطلب التنفيذ ←مش تسويق بس. بدخل على البزنس كله.
بكل مشروع بدوّر على شريحة زباين جديدة بعيدة عن ساحة المنافسة، وببني النظام اللي بيخلي الفريق يشتغل أسرع وأوضح.
EPS+
كانت بتنافس على نفس الزباين اللي الكل بيقاتل عليهم.
Kardesh Travel
كل بيانات الزباين والدفعات على الواتساب، وبتنعبّى إكسل بعد أسبوع.
مذاق
مشروع عمره 3 سنين بس شغله متقطع، والهوية والتسعير مش واضحين.
عملاء وشركاء اشتغلت معهم
+39 علامة تجارية · +20 شركة ناشئة · +300 مشروع صغير
5 مراحل واضحة. بدون عشوائية.
نفهم
السوق والزبون والمنافس ووين الفلوس بتضيع.
نحدد
الهدف والرقم اللي بدنا نحرّكه والشريحة والرسالة.
نوجّه
الخطة والعرض والقنوات ومين بيعمل شو.
ننفّذ
النظام والمحتوى والحملات والأتمتة على أرض الواقع.
نحسّن
نقيس كل أسبوع، ونكبّر اللي بيشتغل ونوقف اللي لا.
تدريب عملي بيطلع منه المتدرب بشغل حقيقي، مش شهادة بس.
أكثر من 850 ساعة تدريب لأكثر من 800 متدرب: طلاب، ورائدات أعمال، وأصحاب مشاريع صغيرة وشركات ناشئة. أسلوبي عملي وبيدمج تمارين وحالات حقيقية وشوية كوميديا، وبعد التدريب كل متدرب بياخد المادة مسجّلة وملفات جاهزة للتطبيق.
اعتمادات: مدرّب دولي معتمد (ICT · American Board) · مدرّب تسويق معتمد من اتحاد المدربين العرب · تدريب مدربين بريادة الأعمال من المعهد العربي للتخطيط · تدريب مدربين للعمل الحر (Gaza Sky Geeks / Mercy Corps) · برنامج التسويق الرقمي MENA Catalyst (96 ساعة) · CCNA.
احجز مكالمة لتدريب مؤسستك
30 دقيقة نحدد فيها الفئة والأهداف وعدد الساعات، حضوري أو أونلاين.
تعلّم مباشرة مني، بالمجان أو بدورة كاملة.
ورش مجانية أونلاين
ورش قصيرة ومباشرة بموضوع وحدة كل مرة: أدوات AI للمشاريع، تصوير المنتج بالموبايل، إعلان بميزانية صغيرة، وأخطاء السوق المحلي.
- مباشرة وأونلاين
- أسئلة وأجوبة على مشروعك
- ملفات وقوالب مجانية بعد كل ورشة
دورة «التسويق بعصر AI»
3 أيام · 9 ساعات · أونلاين مباشر ومسجّل · شهادة. دورة عملية بتطلع منها بخطة تسويق ومحتوى وإعلانات جاهزة لمشروعك.
- اليوم 1: الأساس التسويقي
- اليوم 2: المحتوى والنمو بالـAI
- اليوم 3: الإعلانات والتحليل
سجّل اهتمامك
اختار الورشة المجانية أو الدورة، وبيوصلك الموعد والتفاصيل أول بأول.
مجتمع رامي زيدان لأصحاب المشاريع.
مكان واحد لأصحاب المشاريع والشركات الناشئة العرب: محتوى عملي، وأدوات AI، وفرص، وأسئلة بتنجاوب. مجاني بالكامل.
محتوى ودروس قصيرةأدوات AI وقوالب وبرومبتات جاهزة للتطبيق
جلسات مباشرة شهريةأسئلة وأجوبة وتحليل مشاريع أعضاء المجتمع
هدايا للأعضاءمنها دليل صناعة شخصية UGC بالذكاء الاصطناعي
منصة + واتسابالمجتمع على المنصة، وتنبيهات سريعة على جروب الواتساب
انضم للمجتمع
عبّي بياناتك وبيوصلك رابط الدخول للمنصة وجروب الواتساب.
عضو أصلاً؟ ادخل للمجتمع من هون
اختار الخطوة اللي بتناسبك.
كل المواعيد أونلاين على Google Meet، وبتوصلك رسالة تأكيد بالرابط.
قبل ما تحجز
شو الفرق بين مكالمة التعارف وجلسة التشخيص؟
مكالمة التعارف مجانية و20 دقيقة: بنتعرف وبنحدد إذا في شغل مشترك. جلسة التشخيص 60 دقيقة ومدفوعة: بندخل بعمق على مشروعك وبتطلع بخطة عمل مكتوبة لـ90 يوم بتقدر تنفذها معي أو لحالك.
كيف بدفع جلسة التشخيص؟
بعد ما تختار الموعد بيوصلك رابط دفع آمن (بطاقة أو تحويل بنكي)، وبعد الدفع بيتأكد الموعد ورابط الاجتماع. وإذا كمّلنا مع بعض بنظام أو إشراف، المبلغ بينخصم.
بتشتغل مع مشاريع برّا فلسطين وتركيا؟
أكيد. بشتغل أونلاين مع مشاريع وشركات بكل العالم العربي، خصوصاً فلسطين والخليج والأردن ومصر، والمشاريع العربية بتركيا.
مين بينفّذ التصوير والمحتوى وإدارة الحسابات؟
أنا بمسك الاستراتيجية والأنظمة والإشراف، والتنفيذ الإنتاجي بيعمله فريق AimOcean تحت إشرافي، عشان تضل الخطة والتنفيذ بنفس الاتجاه.
بتقدم تدريب حضوري للمؤسسات؟
نعم، حضوري أو أونلاين حسب البرنامج. احجز مكالمة المؤسسات وبنتفق على الفئة والساعات والتفاصيل اللوجستية.
المجتمع مجاني فعلاً؟
مجاني بالكامل. بتنضم من النموذج فوق، وبيوصلك رابط المنصة وجروب الواتساب.